An Noblañs e istor Breizh :

- Darn vras Noblañs Breizh, an noblañs vihan hag an hini etre, he deus bepred diskouezet he fealded ouzh rouaned ha Duged Breizh, pergen er marevezhioù arvarusañ. An noblañs uhel, avat, un nebeut dekadoù a diegezhioù, gallgar dre ehngoun o vezañ ma oant perc’henn war douaroù bras e Rouantelezh Frañs a-hend-all, o deus itriket alies a-enep an Duged, gant skoazell Rouaned Bro-C’hall.

- E-pad daou gantved hanter a emrenerezh e stern Rouantelezh Frañs (1532-1789) e voe gouarnet ar vro gant an noblañs, a gase kannaded e Parlamant Breizh. Gwirioù distag ar broviñs a zo bet difennet ganti, a-enep galloud ar Rouaned, ha pergen monarkiezh hollveliek Loeiz XIV, a lakae bec’h warno.

- Dindan ren Loeiz XIV e kemeras perzh kalz a ofiserien nobl a Vreizh er brezelekadennoù war vor ha dizoloadennoù an trevadennoù (La Pérouse, Kerguelen), kement-se betek Brezel-dieubiñ Stadoù Unanet an Amerik, a-enep ar Saozon.

- E-penn-kentañ an Dispac’h Gall e nac’has Noblañs Breizh mont da Versailhez evit bodadeg Breujoù hollek Frañs war an abeg ma oa bet daougementet derc’houezerien an Trede-Urzh e Parlamant Breizh. Dre-se eta n’hellas ket emellout e darvoudoù an hañv 1789 ha pergen e nozvezh ar 4 a viz Eost a lakaas un termen da wirioù distag Breizh.

- Klaz a noblañsoù a Vreizh a zivroas e Breizh-veur en abeg da zarvoudoù an Dispac’h hag a bourvezas un darn vras eus « Lu an Divroerien », a zilestras e Kiberenn e miz Mezheven 1795 : fuzuilhet e voe ar braz anezho da heul o c’hwitadenn.

Heuliañ...