1941 : Breizh mac’hagnet gant renadurezh Vichy

Gant an daou zekred eus an 30 a viz Mezheven 1941, bet sinet gant ar Marichal Pétain hag an Amiral Darlan, e voe diempret Breizh diouzh he c’hêrbenn istorel, An Naoned. Diazezet e voe « Rannvro Roazhon », enni pevar departamant hepken (Penn-Ar-Bed, Il-ha-Gwilun, Aodoù-an-Hanternoz (bremañ Aodoù-an-Arvor) hag ar Mor-bihan) e-lec’h pemp. Abaoe 1941 eta e pad an direizhder-se hep na savfe mennad ebet a-berzh ar c’houarnamantoù gall da cheñch doare an traoù, ar c’hontrol eo, peogwir e lakaas lezenn 1972 war ar « rannvroelaat » an traoù da vezañ gwashoc’h ha luzietoc’h :

- Adkemer a reas « Rannvro Roazhon » evel m’edo bet savet gant Vichy evit reiñ dezhi un anv direizh : « Breizh » ;

- Diazezañ a reas ur « Rannvro Broioù-al-Liger » n’he deus unvaniezh gwirion ebet, ha dibab a reas An Naoned da Gêrbenn, daoust dezhi bezañ anavezet mat evel « Kêrbenn Duged Breizh » !...



DASTUMAD

Tamm-ha-tamm eta ez eo bet enbarzhet Breizh ouzh Frañs, diwar :

- Gwallerezh kevrat-priediñ Anna Vreizh gant Frañsez Kentañ, ur c’hevrat a oa bet savet padal da virout dishual an dugelezh ;
- Gwallerezh gwirioù Breizh gant an daou renad tidelañ he deus anavezet Frañs, da lavarout eo an Dispac’h Gall gant nozvezh ar 4 a vie Eost 1789 o kas d’ar blotoù Feuremglev 1532 ha Renad Vichy a lakaas hor C’hêrbenn istorel er-maez eus ur « Rannvro Breizh » a zisrann ar gwir Vreizh e daou damm (30 a viz Mezheven 1941).