Tudjentil Breizh :

Ur gevredigezh nevez a zo ac'hanomp, bet diazezet gant seizh den yaouank a-walc'h, a denn o orin a diegezhioù nobl a Vreizh pe o chom e Breizh.

Evel an darn vuiañ a vretoned eus hon oad-ni n'omp ket bet desavet e brezhoneg, daoust ma oa gouest lod eus hon tud kozh da vrezhonegañ, hogen meur a hini ac'hanomp en deus desket yezh o zadoù-kozh dioutañ e-unan dre gentelioù noz da skouer (trugarez da Skol An Emsav !) :
Hiziv daou ac'hanomp a gelenn ar yezh ha lod eus hor bugale a zesk ar yezh adalek ar skol-vamm er rouedadoù divyezhek DIWAN (ensoubidigezh), DIHUN (katolik), DIV YEZH (a-berzh Stad).

Gant al lec'hienn-mañ e karfemp reiñ un gwel bennak war binvidigezh sevenadurel hag istorel Breizh. Meur a hini ac'hanomp, evel gwechall pirc'hirined vat ar vro, en deus graet hent an Dro Vreizh (a zo roet lañs dezhañ en-dro e 1994) a dremen dre seizh eskopti Breizh.

Ur preder donoc'h hol laka da soñjal e c'hell an talvoudoù brokus a zo stag ouzh Noblañs ar Vro talvezout evit ar gevredigezh a vremañ. Obererezhioù pleustrek diouzh ar spered-se eo ar pezh a ginnig hor c'hevredigezh TUDJENTIL BREIZH (da skouer : skoazellañ bugale tiegezhioù paour, tud dilabour war hir dermen, darnaouiñ predoù e-pad ar goañv da dud dilojeiz…)